Tantangan, South Cotabato – Subling nahagbong sa kamot sa balaod ang kanhing dinakpan nga nalambigit sa pagpayuhot og iligal na droga sa Tantangan, South Cotabato.
Giila ang suspek sa pangalan Leo Patriarca, alyas Pato, 48 anyos, minyo, caretaker sa game farm og residente sa Barangay Kalawag 1, Isulan, Sultan Kudarat.
Nasayran nga usa ka joint buy-bust operation ang gilusad sa Philippine Drug Enforcement Agency – South Cotabato Provincial Office kauban ang Provincial Drug Enforcement Unit South Cotabato, Tantangan Municipal Police Station ug RID 12.
Nahitabo ang operasyon niaging buntag sa usa ka game farm na gibantayan sa suspek sa may Purok Paghidait, Brgy. Maibo, Tantangan probinsya sa South Cotabato.
Napalitan ang suspek na si Patriarca og pakete sa iligal na droga sa poseur-buyer na tigpatuman sa balaod hinungdan siya giaresto.
Narekober sa mga law enforcers ang pakete sa shabu og buy bust money nga 500 pesos sa posesyon sa suspek.
Sumala sa otoridad, mag-atubang og kasong pagsupak sa Section 5, RA 9165 o selling of dangerous drugs sa Comprehensive Dangerous Drugs Act of 2002.
Photo Courtesy to PDEA South Cotabato
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 121104608_156371566144798_2463536574986818687_n.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
