Davao City – Supak ang Parents Mobilization Action Group (PMAG) sa probisyon sa giduso nga Sex Orientation, Gender Identity and Expression (SOGIE) Bill diin wad-an na og katungod ang mga ginikanan sa pagpaila sa gender sa ilang mga anak.
Matud ni PMAG President Febe Matthew, dili angayang but-an ang mga ginikanan sa pagpahimatngon sa matuod nga pagkatawo sa ilang mga anak kun tinuod nga gender.
Segun ni Matthew, lisod man pod limdan ang mga anak sa ilang mga ginikanan ug patuhoon nga ang ilang gender usa ka babaye apan ang tinuod diay usa ka lalake.
Sumala ni Matthew, hatagan og kagawasan ang mga kabataan nga makapadayag sa matuod nilang pagbati ug pagkatawo apan dili sa pinugos nga paagi sama sa gisugyot sa SOGIE Bill.
Alang sa PMAG head, ngil-ad paminawon nga sa ubang tawo pa madunggan nga aduna diay tinaguang tinuod nga pagbati ang ilang mga anak.
Dili maayo ang nakalangkub nga probisyon sa SOGIE Bill nga puggan ang mga ginikanan sa paghatag daan og gender identity sa ilang mga anak nga bag-ong nahimugso aning kalibutana.
Dugang ni Matthew, ang SOGIE Bill hulga kini aron maablihan pag-usab ang nagdilaab nga kalayo sa hisgotanang Divorce Bill same sex marriage or civil union nga giduso sa pipila ka magbabalaud sa nasud.
RadyoMaN Joel Viray
