PMAG: Online transactions sa kabataan imonitor

40

Davao City – Dili angay pasagdan sa mga ginikanan ang ilang mga anak sa social media ug paghimo og online transaction aron dili sila mabiktima sa modus ug ma-impluwensiyahan og maut sa mga dautang tawo.

Matud ni Parents Mobilization Action Group (PMAG) President Febe Matthew nga dili angay tugtan nga mag-inusara sa social media ug pagbuhat og online transaction ang ilang kabataan aron luwas sila sa mga online predators.

“Safe siya if tapad ang parents while nag-online ang mga baya. Pero dili siya safe sa mga bata kay basin magpataka bitaw sila og open sa web. I hope na ang websites karon naay pagahimoon nga pag-open ana nga link (social media ug you tube), mangutana sa kung pila’y edad sa bata,” tataw ni Matthew.

Labaw nang bantayan sa mga ginikanan ang ilang mga anak kay daghan sa mga bag-ong uso sama sa Tik-tok trending videos tan-awon sa mga batan-on ‘okay’ lang sundugon kini bisan og makadaot na kini sa ilang pagkatawo.

Segun ni Matthew nga kuyaw kaayo kung hatagan og igong kagawasan ang mga kabataan kay basin pati ang ‘sexy’ nilang hulagway magamit na sa binuang sa mga dautang tawo sa social media.

Sumala ni Matthew nga gikinahanglan mugahin gayod og panahon ang mga ginikanan aron matudloan ug magiyahan ang mga kabataan sa unsa lang kadtong puwede ablihan sa social media.

Nasayran nga ang social media pod ang ginagamit nga plataporma sa mga organisasyon nga kaalyado sa teroristang CPP-NPA-NDF aron mang-agni og mga batan-on nga musampa sa ilang kalihukan kon kawsa.




Alang sa PMAG President nga mas maayo kon ang mga ginikanan mismo ang mag-abli sa social media ug dili ang ilang mga anak nga linghod pa og pangedaron gawas kon 18 anyos pataas na ang edad.

RadyoMaN Joel Viray

Facebook Comments