Davao City – Gidasig sa Police Regional Office (PRO) XI ang mga ginikanan nga hugot nga bantayan ug imonitor ang ilahang mga anak batok sa pagpang-agni nga musampa sa kalihukan sa New People’s Army (NPA) diha sa online.
Sumala ni PRO-XI spokesperson Major Eudisan Gultiano, gitutukan usab sa PNP Anti-Cybercrime Group ug militar ang pagpatrolya diha sa social media karon nga mag-abli ang klase pinaagi sa distance learning karong Oktobre 5, 2020.
Kinahanglang mag-igmat sa mga indibidwal o mga grupong gaawhag sa pagpangdaot sa gobyerno.
“I think sa akin personally walang problema if we sometimes criticized the government but again kung mayroon na itong na talagang elemento na kailangang makibaka, o mag-rally outside o kaya talaga lahat hindi nakikita ang good side nga government ay medyo dapat mag-isip na ang mga batang ito na nililinlang na sila,” sumala ni Gultiano.
Segun ni Gultiano, kinahanglang mamahimong responsable usab ang mga estudyante ug mag-alerto sa mga organisasyon nga ilahang salmutan.
Sumala niini, kung adunay mga kadudahang mga tawo nga makig-communicate kanila online mamahimong isumbong gilayon kini sa kapulisan pinaagi sa opisyal page sa PRO-XI sa Facebook aron maaksyunan.
RadyoMaN Aimee Guinita
