Davao City – Gikasubo sa Philippine Mental Health Association – Davao City Chapter ang padayong pagsaka sa ihap sa mga batan-ong nagmabdos.
Sa interbyu sa RMN Davao kang PMHA Davao Executive Manager, Precious Manliguez, kinahanglang mapakusgan ang effort sa kada barangays diha sa parenting.
Sa sayo nga edad sa pagbunti, lisod kini sa usa ka batan-on kinsa anaa pa sa panahon aron mag-eskwela, magdula o padayon sa iyahang pagtubo.
Panawagan ni Manliguez sa tanang ginikanan nga palig-onon ang two-way communication o pag-communicate sa usa ka ginikanan ug sa iyahang anak ug vice versa aron kanunay kining magiyahan sulod sa ilahang panimalay.
“Dako kaayo og responsibility ang ginikanan labaw na karon nga naa tay pandemic. Pangitaan nato og panahon ug gahinan nato sila’g panahon, makig-istorya ta sa ilaha aron makabalo ka sa mga concerns sa mga bata,” sumala niini.
Abli pirmi ang PMHA Davao aron mutabang o mutanyag og libreng counseling sa mga teen mothers ug ang ilahang mga ginikanan ug mutawag lang sa PMHA hotline 0906-586-7136.
RadyoMaN Aimee Guinita
