Davao City – Gitumbok ni Precious Manliguez, Executive Director sa Philippine Mental Health Association ang pagkatarog sa tanang sektor sa dakong hulga sa COVID-19 rason nga atoa karon nga nasinatian ang mga abnormalidad diha sa atong katilingban.
Sumala ni Manliguez nga ang realidad kitang tanan nahadlok gayud sa maong makamatay nga disease hinungdan nga aduna gayuy mga kausaban susama diha sa mga pribadong tambalanan ug dili kini kalikayan tungod kay kitang tanan maniguro nga dili matakbuyan sa coronavirus.
“Diba ang policy sa hospital mudawat gyud ug patient regardless ug unsa kana. However karon gusto nato i-control ang pagkuyanap ani, di ku kabisado sa ruling sa ubang hospital kay as far as I know kun dili covid related mudawat sila. Mas strict lang gyud ang ilang screening kay ginatan aw pud nila ang welfare sa katong daan nang na admit nga pasyente nila” matud ni Manliguez.
Kini maoy reaksyon ni Manliguez sa hisgutanang napasagdan na ang ubang health services susama sa ubang ordinaryo nga mga balatian tungod kay mas nakatutok ang mga health professionals ug kagamhanan sa krisis sa COVID-19.
Gidugang pa niini nga ang nasinatiang abnormalidad sa atong sosyedad ang unang kahulaman ug kusog sa matag usa mao ang atong tagsa tagsa ka pamilya aron nga dili kaayo dako epekto niini sa psychogical ug emotional nga aspeto nga muresulta sa pagkasinati og stress.
RadyoMaN Erin Lumosbog
