Gipahinumduman sa Police Regional Office 10 ang publiko nga mahimong luwas karong Valentines day.
Sa interview sa RMN Malaybalay ngadto kang PNP 10 Regional Spokesperson Police Lt. Col. Mardy Hortillosa gibutyag niini nga kinahanglan magbantay ang publiko batok sa sakit nga coronavirus disease kon COVID 19.
Ikaduha, gipahinumduman ninii ang publiko nga dili magmaneho kung naka-inom sa ilimnong makahubog.
Sa mga mag-date sa kadaplinan, angayang magbantay sa mga tulisan ug kawatan.
Alang sa mga batan-on gipahinumdom sa PNP nga likayan ang premarital sex aron malikayan ang teenage pregnancy.
Mas maayo matud pang saulugon ang Valentines day nga layo sa disgrasya ug kriminalidad, luwas gikan sa pagtakdan sa sakit ug dili madugang sa kaso teenage pregnancy.
Gisiguro usab ni Col. Hortillosa nga naka-alerto ang kapulisan ning adlawa aron ma proteksyunan ang katawhan sa pagsaulog sa Valentines Day.
