Malaybalay City, Bukidnon – Andam nga tumanon sa PNP 10 kung aduna nay direktiba ang ilang headquarters sa pagpasikop sa mga armadong barangay tanod nga walay lisensiya.
Una niini, gipa-aresto ni Philippine National Police (PNP) Chief P/D/Gen. Ronald Dela Rosa ang tanang mga armadong barangay tanod sa tibook nasud.
Kini human sa nahitabong madugo-ong insidente sa Mandaluyong nga gikamatay sa duha ka indibidwal nga gikalambigitan sa pipila ka barangay tanod sa maong nga dapit.
Sa interview sa RMN Malaybalay ngadto kang PNP 10 regional spokesperson PSupt. Lemuel Gonda gibutyag niini nga adunay mga barangay tanod usab nga adunay Permit to Carry Firearm Outside of Residence (*PTCFOR*).
Matud niini nga kung walay PTCFOR dili gayod kini mamahimong magdala sa armas.
Sigun pa ni Gonda nga sa mga hinterlands, adunay exemption ug case to case basis kini ilabina niadto mga dapit nga adunay presensiya sa daghang armadong grupo diin mamahimong himoon nga force multipliers ang mga barangay tanod sa area.
Gidugang pa niini nga andam sila nga musuporta kung aduna na unyay direktiba gikan sa ilang labaw.
Subling usab nga gipamugos niini nga kung subayon ang balaod, kung walay lisensya ug PTCFOR ang nagdala sa armas, kini usa ka illegal.
