Gikalipay sa Police Regional Office 10 ang pagbutang ug pagdawat ni Vice Pres Leni Robredo isip co-chairman sa Inter-Agency Committee on Anti-Illegal Drugs o ICAD kon anti illegal drug czar.
Sa interview sa RMN Malaybalay ngadto kang PNP 10 Regional Spokesperson Police Lt. Col. Mardi Hortillosa, gibutyag niini nga nalipay sila tungod kay aron makita usab sa bise presidente unsa ka grabe ang problema sa illegal nga droga sa nasud.
Matud niini nga kini aron usab mahikyad ni Robredo ang iyang mga bag-ong stratehiya aron masulbad ang problema sa illegal nga droga.
Sigun ni Col. Hortillosa nga makadugang ang mao nga strategy aron mapa-ayo pa ang ilang kampanya batok illegal drugs.
Gisiguro usab ni Hortillosa nga suportado nila kung kinsa man ang muhupot sa anti illegal drug campaign.
Gibutyag usab sa PNP 10 nga nahimo na tanan nilang strategy aron mabatukan ang illegal nga droga ug nanghinaut sila nga adunay bag-ong approach sa ilawom sa pagdumala ni Robredo isip anti illegal drug czar.
