Gisiguro sa Police Regional Officer kon PRO 10 nga dili sila muhunong sa paghatag ug suporta sa military aron gukdon ang mga New Peoples Army kon NPA.
Ang pahayag sa PRO 10 human sa direktiba ni Pangulong Rodrigo Duterte nga all out war batok sa CPP-NPA.
Sa interview sa RMN Malaybalay ngadto kang PNP 10 Regional Spokesperson Pol. Lt. Col. Mardy Hortillosa, gibutyag niini nga aduna silay mga gipanghimo nga mga combat operation uban sa pakiglambigit ngadto sa mga kasundaluhan.
Sigun niya nga aduna gipanghimo nga mga minor ug major operation ang ilang police regional mobile force battalion, ug provincial o city mobile force nga kabahin sa ilang trabaho.
Giklaro usab ni Hortillosa nga kinahanglan nga makiglambigit sila sa kasundaluhan aron malikayan ang misencounter ilabina sa kabukiran.
Gawas niini, nagpahigayon usab sila ug mga community relations aron makasumbong gilayon sa otoridad kung adunay mga presensiya sa ilang tagsa-tagsa ka mga lugar.
