Naka-andam kanunay ang Police Regional Office 10 sa unsa mang dautang plano nga himoon sa grupong New Peoples Army kon NPA alayon sa ika-51 ka tuig nga annibersaryo sa CPP NPA karong Disyembre 26.
Sa interview sa RMN DXMB Malaybalay ngadto kang PNP 10 Regional Spokesperson Police Lt. Col. Mardy Hortillosa, gibutyag niini nga kabahin na sa ilang routine ang pagpahugot sa seguridad ug monitoring kada magsingabot ang annibersaryo sa mao nga grupo.
Matud ni Hortillosa nga dili sila angayang magkumpiyansa tungod kay kalipay sa walhong grupo kung aduna kini maharas o ma-atake aron ipasigarbo sa ilang annibersaryo.
Sigun ni Col. Hortillosa nga aduna nay direktibang gipagawas si PNP 10 Regional Director Anduyan sa mga police station nga bulnerable sa pagpang-atake sa NPA nga paghugtan ang seguridad.
Pahimangno pa ninii nga mamahimong makasuhan ug pwede pang madismiss ang mga pulis nga maisahan sa walhong grupo sama kung adunay mailog nga armas sa pulis o ma run over sa mga ka-away sa gobyerno ang kampo sa otoridad.
