Gikalipay sa duha ka mga abogado ang guilty verdict sa pipila ka suspek sa Ampatuan massacre.
Matud niini nga nilampos ang katarungan bisan ug napulo ka tuig ang gipaabot sa nasud sa mahimong desisyon sa korte.
Sa interview sa RMN Malaybalay ngadto kang Bukidnon 2nd District Congressman Atty. John Flores gibutyag niini nga bisan milungtad sa kapin usa ka dekada ang paglutos sa kaulahian, nahatagan sa katarungan ang mga biktima sa masaker kaniadtong Nobyembre 23, 2009.
Samtang sa interview sa RMN ngadto kang Atty. Antonio Soriano, ang Citizens Watch for Good Governance Region 10 gibutyag niini nga maayo ang gihimo ni Quezon City RTC Branch 221 Presiding Judge Jocelyn Solis-Reyes.
Matud ni Atty. Soriano nga adunay upat ka kategorya ang nigawas sa desisyon: Unang kategorya mao ang guilty nga adunay penalty nga reculsion perpetua; ikaduha, guilty apan ang partisipasyon mao lamang ang accessories of the crime; ikatulo, ang mga akusadong nakita-an nga inosente nga walay direktang kalambigitan sa kaso ug ang ika-upat mao nga adunay akusado pero wala pa naka-acquire ug jurisdiction ang korte tungod kay hangtod karon pabiling at large.
