Iligan City – Gipaklaro ni PNP Regional Director PBGen Rolando Anduyan nga dili pag-atbang sa naghimo ug mga Community Pantry ang ilang gihimong serbisyo caravan.
Kini tungod, matud ni Anduyan niadtu palang miaging tuig sa pagsugod gayud sa pandemya lain-laing pamaagi na ang ilang gibuhat aron makahatag ug tabang sa katawhan.
Halos natuyok na ni Anduyan ang tibuok rehiyon 10 alang sa pagpahigayon sa serbisyo caravan.
Gibutyag ni Anduyan nga gikan sa mga stakeholders ang gipamalit nila nga tabang tungod limitado lang man usab ang pundo sa kapulisan.
Gipasabot ni Anduyan nga dili sila supak sa gahimo ug mga Community Pantry gani suportado nila kini nga matang sa tabang alang sa katawhan.(Ghiner L. Cabanday, RMN Iligan)
Facebook Comments
