Malaybalay City, Bukidnon – Gipahigayon kagahapon ang turn over ceremony sa bag-o nga Provincial Director sa Bukidnon Provincial Police Office nga gihimo sa Folk Arts Open Theater Kaamulan Ground, Malaybalay City.
Nanguna sa turn-over ceremony si PCSUPT Timoteo G. Pacleb, Acting Regional Director sa PNP Regional Office 10.
Apil usab sa nitambong si PSSUPT Tyrone v. Masigon, DRDO; PSUPT Rene Solidarios, Chief RPHRDD, Bukidnon Governor Jose Maria R. Zubiri, pito ka mga mayor sa Bukidnon ug mga COP’s sa duha ka siyudad ug 20 ka mga lungsod.
Gihulipan si PSSUPT REYNALDO A PADULLA nga karon kasamtangang Chief ROPD sa Regional Office 10 ni PSSUPT Benedicto T. Pintor.
Sa iyang mensahe nagpasalamat si Padulla sa suporta nga gihatag sa mga taga-Bukidnon samtang siya ang naglingkod isip provincial director sulod sa kapin usa ka tuig.
Gipasigarbo usab niini ang pasidungog nga iyang nadawat gikan sa kampo krame alayon sa kampanya batok illegal nga drogas.
Samtang sa mensahe usab ni RD Tim Pacleb gihatagan ug pagtagad niini ang pagpadayon sa kampanya sa illegal nga droga sa rehiyon, apil usab si gipaklaro ninii nga mas pahugtan ang seguridad sa amihanang Mindanao tungod sa hulga sa terorismo.
Gikonsidera usab niining hulga ang New Peoples Army kon NPA.
