Ginahangkat sang pamunuan sang Police Region Office 12 ang pamilya sang mga napatay sa ginpatigayon nga anti-illegal drug operations sang Regional Police Drug Enforcement Unit (RPDEU) sa duha ka mga barangay dire sa syudad sang Koronadal sang nagligad nga semana nga magfile sang kaso sa korte kon may reklamo sa nasambit nga operasyon.
Suno kay Police Chief Inspector Aldrin Gonzales, spokesperson sang PNP 12 katungod naman sang mga pamilya nga magreklamo tungod ang nasambit nga operasyon ang lehitimo man kag ginhimo lang sang kapolisan ang ila nga obligasyon.
Madumduman nga ginatindugan sang pamilya nanday Brgy. Kagawad Jaime Sunga, Reynaldo Navarro, pareho residente sang Brgy. New Pangasinan kag John Erwin Magbanua, 29-anyos, residente sang Megaland Subdivision, Brgy. Carpenter Hill nga wala nagbato ang mga ini sa mga polis.
