Gimugna karon sa liderato sa Philippine National Police (PNP) ubos kang Director-General Oscar Albayalde ang usaka Special Task Group alang sa hilway nga 2019 Midterm Elections.
Segun kang Albayalde, ang pinasahi nga team motutok sa pagpatuman sa comprehensive security operations ilabi na diha sa mga high-risk, vulnerable areas sa entero nasud-Pilipinas.
Base sa datos sa nasudnong kapulisan, mokabat sa 7,926 ka mga Areas of Concern kun nailhan kaniadto nga mga election hotspot areas diin talandugon ang sitwasyon sa seguridad niini panahon sa piniliay.
Sa susamang datos, adunay 896 ka mga probinsiya or lalawigan nga angay hatagan ug mas lig-on nga seguridad gumikan sa mga hulga dala sa bangi-pulitikal ilabi na kadtong tinukmod sa electoral feuds sa nanglabay’ng mga electoral exercises.
Giila usab sa hePe sa national police ang Top 3 Priority Areas nga mao ang Autonomous Region in Muslim Mindanao (ARMM), Region 7 (Central Visayas) ug Region 8 (Eastern Visayas).
RadyoMaN June Duterte
