PNP at Philippine Army, nagsampa ng patong-patong na kaso laban sa 24 na miyembro ng Malayag Guerilla Front sa Bukidnon

380

Limang kasong kriminal ang isinampa ng Philippine National Police – Criminal Investigation and Detection Group (PNP-CIDG), San Fernando Municipal Police Station at Philippine Army sa 24 na miyembro ng Malayag Guerilla Front, Sub Regional Committee 2, North Central Mindanao Regional Committee.

Sa ulat ng PNP-CIDG, sinampahan ng kaso ang 24 na miyembro ng Guerilla Front matapos ang kanilang pakikipag-engkwentro sa mga pulis at militar sa Brgy. Mabuhay, San Fernando, Bukidnon.


Ang sagupaan ay nagresulta sa pagkakaaresto ng 9 na suspek, pagkaka-rescue sa 10-taong gulang nilang miyembro at pagkakapatay pa ng 4 nilang miyembro.

Narekober din sa mga grupo ang 26 assault rifles at assorted personal items.

Isinampa ang kaso sa mga ito sa Provincial Prosecutor’s Office sa Malaybalay City, Bukidnon.

Facebook Comments