Gitan-aw karon sa sa kapulisan nga posibleng balos sa kasong gipasaka ni Sammy Diwangan batok sa mga New People’s Army kon NPA ang motibo sa pagpatay niini niadtong Sabado sa buntag.
Una niini gipusil si Sammy Diwangan, 45 anyos, minyo ug IP Mandatory Representative sa Barangay Canangaan, Cabanglasan nga naka-angkon ug samad pinusilan sa iyang ulo ug daghang pinusilan sa iyang kalawasan nga maoy hinungdan sa iyang kamatayon sa P1, Canangaan, Cabanglasan, Bukidnon.
Sa interview sa RMN Malaybalay ngadto kang Police LTCOL. Silvestre Asiong Jr, ang hepe sa Provincial Investigation and Management Division ug spokesperson sa PNP Bukidnon gibutyag niini nga usa sa anggulo nga ilang gitutukan mao ang pagduso ug kasong attempted murder ni Diwangan batok sa grupong NPA niadtong March 21, 2017.
Matud ni Asiong nga sa karon kamulo pa ang imbestigasyon sa PNP sa possibleng lain pang anggulo sa krimen.
Sa karon gimanduan na daw ni Provincial Director Col. Ruel Lami-ing nga pahugtan pa ang pag-imbestiga sa mao nga kaso aron masulbad ug mahatagan ug hustisya ang pamilya sa biktima.
