Gipahayag sa Bukidnon Provincial Police Office kon PNP Bukidnon nga walay local government unit kon LGU sa probinsya nga nagpasar ug ordinansa kalabot sa mga estambay.
Sa interview sa RMN Malaybalay ngadto kang PSI Jisselle Longakit, ang spokesperson sa PNP Provincial Command gibutyag niini nga walay ordinansa nga gipatuman ang mga LGU’s sa lalawigan kalabot sa anti-tambay campaign.
Hinoon gibutyag ni Longakit nga gisabay lamang nila kini sa curfew hour nga gipatuman sa mga siyudad sa Malaybalay ug Valencia.
Samtang sa interview sa RMN ngadto kang PSupt. Surkie Serenias, ang spokesperson sa PNP Regional office 10 gibutyag niini nga sa rehiyon mukabat matud pa sa 20 ka nagkadaiyang ordinansa ang ilang natala nga kabahin sa ilang gihingusgan nga oplan offenders.
Mautd ni Serenias nga adunay lungsod o siyudad nga nagpatuman sa ordinansa batok sa paghubo ug senina, kusog nga videoke, pagbawal sa pagpanginhi sa mga pampublikong lugar, pagbawala sa pagpanigarilyo sa public places ug ang curfew.
Sigun ninii nga daghang ordinansa ang gipatuman maong daghan usab ang mamahimong makasupak nini.
Samtang giklaro sa kanhi president sa Integrated Bar of the Philippines kon IBP Bukidnon chapter nga walay balaod nga nagbawal sa pag-estambay.
Sa interview sa RMN ngadto kang Atty. Burt Estrada, gibutyag niini nga walay balaod sa nasud ug bisan sa batakang balaod nga nag-ingon nga illegal ang pag-standbay kon pagpondo sa gawas.
