Malaybalay City, Bukidnon – Nagpahimangno ang Philippine National Police kon PNP-Bukidnon sa publiko karong holiday season.
Sa interview sa RMN Malaybalay ngadto kang PSI Jessel Longakit, ang spokesperson sa PNP Provincial Command gibutyag ninii nga kinahanglan nga e-secured ang panimalay kung biyaan kung muadto sa mga Christmas party, reunion ug uban pa.
Matud ni Longakit nga kinahanglan usab nga magmaigmat sa palibot ang katawhan aron dili mabiktima sa mapahimuslanon ug nagtinguha sa dili maayong plano.
Gidugang pa niini nga sa Bukidnon, dili lamang ang pagsaulog sa Pasko ug pagsugat sa bag-ong tuig ang ilang bantayan kon dili ang hulga sa mga New Peoples Army kon NPA ilabina ug gi-proklama kini ni Pangulong Rodrigo Duterte nga mga terorista.
Dungan niini, gi-aghat usab sa opisyal nga publiko nga makiglambigit sa otoridad kung adunay nabantayan nga dili maayong lihok sa palibot.
Samtang nanawagan usab si Longakit sa mga miyembro sa NPA nga motahan sa ilang kaugalingon samtang bukas pa ang PNP sa pagdawat niini.
