Naka-alerto karon ang kapulisan sa probinsiya sa Bukidnon.
Kini human ang nahitabong suicide bomb attack sa 1st Brigade Combat Team (1BCT) sa Barangay Kajatian, Indanan, Sulu kaniadtong Hunyo 28 ning tuiga kung asa 8 katawo ang namatay kauban na ang 3 sundalo ug 22 samdan.
Sa interview sa RMN Malaybalay ngadto kang PNP Bukidnon Provincial Director Pol/Col. Roel Lami-ing, gibutyag niini nga naka-alerto ang kapulisan rehiyon 10 tungod sa mao nga panghitabo.
Gimando usab niya ang ang pre-emptive security measures sa mga checkpoints ug kinahanglang ipatuman sa matag station commanders ang target hardening measures ug dugangan ang presensya sa mga pulis sa kadalanan.
Kinahanglan usab nga bantayan ang mga vital installations aron dili makasulod ang mga teroristang grupo.
Matud ni Col. Lami-ing nga usa ka matang sa terroristic activity ang maong panghitabo ug migawas nga binuhatan kini sa suicide bomber butang nga usa kini sa gitutukan sa kapulisan aron dili mahitabo sa kasikbit nga lugar ilabina sa Bukidnon.
Gibutyag pa sa bag-ong provincial director sa Bukidnon Police Provincial Office nga nasaksihan niya maong mga terroristic activity sa ASG sa Sulu tungod kay nadestino siya didto kaniadtong tuig 2012 hangtod 2014 isip chief of police.
Gipahayag niya nga problema sa mao nga dapit ang kidnapping, bomb incident nga binuhatan sa Abu Sayaf Group kon ASG.
