i Balita
February 23, 2019
(Photo from web)
Nagpaandam si PNP Chief General Archie Gamboa sa iya mga regional directors nga makakas ang mga ini sa puwesto kon indi matapna ang illegal numbers game kaupod na ang jueteng sa ila area of responsibility.
Ini sa atubang naman sang mabaskog nga kampanya sang PNP kontra sa ilegal nga sugal.
Suno kay Gamboa nga ginahatagan niya sang isa ka semana ang mga ini nga pauntaton ang ilegal gambling kalakip ang jueteng sa ila tagsa ka mga lugar kay kon indi, makakas ang mga ini sa puwesto.
Gin-athag pa ni Gamboa nga bisan isa ka sentimo wala siya sang may ginakuha sa ilegal nga sugal kag wala siya sang plano nga mangolekta halin diri.
Una na nga ginpahayag ni Gamboa nga gina-uyatan kag yara na karon sa regional directors ang listahan sang nagkalain-lain nga mga gambling operators sa pungsod.
Nagpaandam man ang hepe sang PNP sa iya mga kaupod sa propesyon nga nagaserbe nga protector sang mga pasugalan nga indi niya ang mga ini pagpalampason.
