Nagpabatyag sang posibilidad si PNP Dir. Gen. Ronald Bato dela Rosa nga magapadalagan sya sa pagka-presidente sang pungsod.
Una na nga nagpahayag man si dela Rosa nga bukas sya sa pagpadalagan sa pagka-senador matapos ang iya retirement sa 2018.
Apang sa flag raising ceremony sa police headquarters, nagpabatyag si dela Rosa nga target niya ang mas mataas nga posisyon.
Ginhambalan ni dela Rosa ang mga kapulisan nga nagtambong sa seremonya nga hulaton lang nga sya na ang mangin presidente kay apaton niya ka pilo ang sweldo sang mga ini.
Isa si dela Rosa sa ginatan-aw nga mangin successor ni Duterte sa 2022 kaupod kanday Sen. Manny Pacquiao kag anak sang diktador nga si anay Sen. Ferdinand Bongbong Marcos.
Si dela Rosa ang enforcer sang war on drugs ni Duterte nga nagtuga sang kamatayon sang 3,900 ka mga suspected drug personalities sa sulod lamang sang 16 ka bulan.
(photo from web)
