Personal nga gitaud ni PNP Chief Director -General Ronald “Bato” Dela Rosa ang Medalya ng Sugatang Magiting sa dughan ni Police Officer 3 David Naraja Jr. sud sa lawak niini sa usa ka pribadong ospital sa dakbayan sa Sugbu
Si Naraja samdan sa iyang nawong ug naa pa karon sa Cebu Doctor`s Hospital human napusilan sa usa ka police operation sa syudad sa Talisay niadtong Lunes .
Ang nakapusil ni Naraja mao ang murder suspect nga si Jessie Largo , usa ka iladong hitman ug maoy nagpatay sa biktima nga si John Ronli Calizar , anak sa usa ka kawani sa Philippine Information Agency nga si Ferliza Contratista .
Si Largo unang namusil ngadto sa kapolisan nga modakop unta niya ug naigo si PO3 Naraja sa iyang nawong , apan napatay ra usab ang suspek .
Gawas sa medalya nga gihatag ni Dela Rosa , nakadawat usab ug hinabang pinansyal si Naraja gikan sa Kampo Crame.
Samtang ang management sa ospital pinaagi sa presidente niini nga si Dr. Potenciano “Yong” Larrazabal III nipasalig nga abagahon ang tanang galastuhan ni Naraja sud sa ilang tambalanan.
