General Santos City–Tungod sa maayong ideya nga gimugna sa General Santos City Police Office sa pag panguna Gensan City Police Director Police Sr. Supt. Raul Supioter kabahin na sa pag pakusog sa check point sa kapulisan mahidangat sa dakbayan sa Gensan si Police Director General Oscar Albayalde aron nga pangunahan ang inagurasyon sa mga container van nga ibutang sa mga check point ning syudad.
Ang maong mga container van magsilbing pahulayan sa mga pulis nga 24 oras nakaduty sa mga Check point.
Sumala pa ni Police Sr. Supt. Manuel Lucban ang Chief Directorial Staff sa Police Regional Office 12 nga mismong ang labaw sa PNP ang manguna sa pag-abli sa programa aron nga personal nga makit-an ang nahimo sa GSCPO.
Gani gidayig ni Lucban ang GSCPO ug si PS/Supt Supiter sa nahimo niini nga inisyatibo aron nga mahatagan usab ug kapahulayan ang mga Police nga nakabasi sa mga check point. (Dave Silagan)
