*Gisiguro sa Malaybalay City Police Station nga luwas ang siyudad sa bisan unsang hulga sa seguridad.*
*Kini ang gipaniguro sa PNP human ang kabalaka sa pipila tungod sa mga insidenteng pagpangdunggab sa Capitol Grounds ug Plaza Rizal dili pa lamang dugay.*
*Sa interview sa RMN Malaybalay ngadto kang PLTCOL Rosalyn Cabrigas, ang hepe sa Malaybalay City PNP gibutyag niini nga dili tinood nga dili na luwas ang dakbayan.*
*Matud ni Cabrigas nga makita man usab nga adunay pag-ubos sa crime rate sa Malaybalay ug luwas kini sa tanan.*
*Luwas matud pa ang siyudad ni bisan kinsang muanhi.*
*Gipahayag usab sa hepe nga wala nay naglihok nga gangster sa Malaybalay.*
*Gipaniguro usab niya nga adunay mga pulis nga nag-roving palibot sa siyudad, 24 nga nagbantay sa bus terminal ug plaza rizal ug adunay gi-deploy nga mga police personnel sa mga tulunghaan alang sa kaluwasan sa mga estudyante.*
*Wala matud pay angayang kabalak-an sa katawhan tungod kay sa karon luwas sa Malaybalay City sa unsa mang hulga sa seguridad.*
