Ginbawi na sang Philippine National Police (PNP) ang suporta sa teleserye nga “Ang Probinsyano.”
Kasunod ini sang pagsaway sang PNP sa ginapahayag indi patas nga pag-portray sang palaguwaon sa ila linyada.
Sa memorandum nga ginpaguwa sang nakaligad nga biyernes, ginmandu ni police community relations director Eduardo Garado nga untatan na ang tanan nga bulig sang PNP sa nasambit nga palaguwaon.
Kalakip diri ang paggamit sang pasilidad, salakyan kag mga armas sang kapulisan subong man ang partisipasyon sang mga pulis sa pila ka mga eksena.
Ginpamilit ni garado nga sa ginhiwat nila nga dayalogo sang Oktubre 17 kag 23, nagpangako ang mga producer sang palaguwaon nga paga-aksyunan ang mga isyu apang wala ini natuman.
Suno naman sa Department of Interior and Local Government ukon DILG nga posible magapasaka sila sang kaso batuk sa mga producer kon padayunon sa gihapon sang mga ini ang ”unfair portrayal” sa PNP.
Photo from web
