Ginpaandaman sang Philippine National Police (PNP) ang publiko nga mahilig mangguba sa social media ilabi na sa Facebook.
Suno kay Police Senior Inspector Artemio Cinco Jr., Spokesperson sang PNP Anti Cyber Crime Group , may mabug-at nga silot nga atubangon ang indibidwal nga ma convict sa kaso nga cyber libel.
Ginpahayag ni Cinco nga base sa Anti Cyber Crime Law ukon ang RA 10175, ang cyber libel ang malisyoso nga pagpangguba sa isa ka tawo gamit ang teknolohiya.
Suno kay Cinco nga halin sa isa ka bulan tubtob anum ka tuig nga pagkabilanggo sa ordinaryo nga libel , mangin anum na ini ka tuig tubtob 12 ka tuig kon mapamatud-an nga guilty sa cyber libel kag may piyansa nga ₱20,000 tubtob ₱200,000 depende sa ebidensya.
Nagpahanumdom ang PNP-ACG nga gamiton sang husto ang social media.
Sa record sang PNP, 2 958 ka kaso sang cyber libel ang narecord halin Enero tubtob Setyembre 2018.
Ginsundan ini sang online scam, swindling kag estafa nga 741 kag ang anti photo and voyeurism nga may 296 ka kaso.
(photo from web)
