PNP-HPG han Tacloban, nanhatag hin rosas yana nga Valentine’s Day

TACLOBAN CITY – Labot la ha pagbantay han trapiko yana nga Valentine’s Day, an Philippine National Police Highway Patrol Group Unit 8 in nanhatag hin bukad ha mga motorista ha Tacloban City.

Gintawag ini nga “Alay sa puso, Alay sa Motoristang Pilipino, Kaligtasan at Siguridad sa Lansangan,”, sobra syen nga mga drivers an kumarawat hin red roses ngan flyers kumo pahinumdom han new helmet act, anti-criminality, anti- carnapping tips, ngan blowbagets ha New Bus Terminal, kakalsadahan han Tacloban ngan ha San Juanico Bridge.

Sumala kan Greg, usa nga motorista, ginkulba hiya han parahon hiya han taga HPG.


Greg: “Ginkulba anay ako pero ganado man ngayan kay valentines man ngayan yana.”

Reporter: kay ano an imo kahuna?

Greg: “Kasiring ko dadakpon ako.”

Sumala naman kan SPO1 Jennylene Patagnan, Police Community Relations Officer, an nahinabo nga aktibidadis in nagpapakita la nga kun gaano nira kamahal an mga motorista han syudad.

Pero padayon an ira pag implementar hin traffic rules and regulations.

Nagdumara gihapon hin pareho nga aktibidadis an unom nira nga provincial units.

Facebook Comments