*General Santos City— Giangkon ni Atty. Richard Opinion, City Superintendent sa PNP Internal Affairs Service nga hangtud sa karon, wala pay reklamante batok PPM nga midangop sa ilahang buhatan kung asa lambigit ang miyembro sa kapulisan.*
*Sumala niya nga sa karon, wala siya’y personal nga ideya kung naka-abot na sa korte ang maong kaso o kung aduna nay resolusyon nga gipagawas ang piskal bahin niini.*
*Pagpaklaro niya nga human makapasaka ug kaso NBI-SARDO batok sa mga PNCO, ilahang gipaal-an ug sulat ang taanang mireklamo aron nga mag-file usab ug kasong administratibo apan wala matud pay bisan usa ang mitubag niini.*
*Dugang pamahayag ni Atty. Opinion nga nakadawat na sila ug endorsement gikan sa Police Regional Office 12 nga adunay mga pulis ang napasakaan na ug kasong estafa.*
*Apan sa karon, wala pa silay na-atubang nga mga reklamante alang sa kasong adminsitratibong atubangon sa mga nahisgutan ug dili matud pa sila makapahigayon ug imbestigayson kung walay reklamante gumikan limitado ang ilahang trabaho.*
*Pagpaklaro niya nga mamahimo lang silang maka-imbestiga bisan ug walay reklamante kung adunay namatay, naguba nga mga ebidensya, adunay mga nagpabuto nga direktang lambigit ang miyembro sa kapulisan.*
*Kalabot niini, kinahanglan matud pa ang reklamo sa mga biktima kinahanglan nakabutang sa papel ug hinimo atubangan sa abogado ingon man nakabutang kung kinsa ang gireklamo ug nabutang ang mga nahimong kalapasan ilalom a alaud.*
*Higayon matud pa nga walay magreklamo kanila, ang kaso lang sa korte ang magpadayon samtang sa ilahang kabahin walay mamahimong imbestigasyon.*
*Pag-angkon niya nga sakit mang dawaton pero dili sila mamahimong manghilabot sa kaso sa PPM kung walay maka-abot nga reklamo sa ilahang buhatan.*
