iFM Laoag – Mannarimaan iti Internal Cleansing Program ti Philippine National Police Region 1 kadagiti Pulis iti nagduduma a probinsya a sakupenda.
Daytoy ti impakaammo ni Police Brigadier General Ferdinand Garay, Deputy Regional Director iti PNP Region 1.
Kinunana a masapol a mailinteg ti killo nga aramid kas kadagiti illegal nga aktibidad a panakairamanan dagiti sumagmamano a kameng ti Nailian a Pulisia.
Karaman ditoyen ti pannakaisayangkat iti ‘random drug testing’ kadagiti PNP station iti nagduduma nga ili ken siudad, kaso nga administratibo a sangsangwenda ken dadduma pay.
Ti nasao nga addang ket naibasar iti PNP Memorandum Circular No. 2017-013 ken mandato manipud ken ni Police General Oscar Albayalde.
Mamati met ni General Garay a makatulong daytoy kadagiti kabarona tapnu maliklikan ti korrupsion ken kasta pay a maliklikan ti panakaperdi ti dignidad ti Nailian a Pulisia.
Bernard Ver, RMN News
