Labason-Padayon karon ang pakigbatok sa droga sa kapulisan sa lungsod sa Labason aron nga hingpit na gyud mamahimong drug clear municipality ang maong lungsod.
Dili palang dugay gibisita sa personahe sa Labason PNP ang Barangay Gabu sakop sa maong lungsod atol kini sa regular session sa nahisgutan nga barangay aron makighinabi ang kapulisan ngadto sa mga opisyales sa barangay uban sa Barangay Anti Drug Abuse Council (BADAC).
Dako usab ang pasalamat sa kapulisan tungod kay mabungahon ang resulta sa ilang panag istorya uban sa BADAC member may kalabutan kini sa pagplano sa programa sa LGU-Labason alang sa mga drug surrenderres sama nalang sa pagpahigayon ug moral discussion ug recovery sa matag indibidwal nga nalulong na sa guinadiling droga.
Kini matod pa ang unang lakang nga ilang pagabuhaton aron mamahimong drug free, mas malinawon ug mas luwas nga barangay.
Sa pagkakaron ang munisipyo sa Labason pinaagi sa mga pulis padayon ang ilang pag apply ngandto sa PDEA may kalabot kini sa mamahimong drug free barangay ug drug free municipality nga kung diin ilang target nga mapasa karon nga bulan o sa sunod bulan ang ilang application ngadto sa PDEA.
Usa na niini ang barangay Gabu sakop sa maong lungsod ang ilang target nga mamahimong drug free barangay hinungdan nga ilang gipatawag usab ang mga BADAC Member matod pa ni PO3 Apolinario C Orcullo Jr*.*
Karon nga bulan padayon ang ilang pag evaluate sa mga mi surrender, samtang sa pagsugod palang sa oplan tokhang anaay natala nga 740 ka mga mi surrender sa lungsod sa Labason ug padayon ang ilang ginahimong pag monitor.
Samtang wala pa pud sila nakasugod pag organisa sa ilang mga aktibidad para sa mga nalambigit sa droga, tungod kay nagpaabot usab sila kun unsay mga programa sa lokal nga panggamhanan.
