Davao City – Dili una sirad-an sa Buhangin Pnp ang posibilidad nga iya sa chopped body nga unang nakit-an kung parte ba sa iyang lawas ang nakita sa flyover Buhangin gahapon sa hapon.
Paabuton una sa Buhangin nga ma-otopsiya ang parte sa lawas nga nakita gahapon alang sa kumpirmasyon niini.
Suma sa hepe nga si Police Chief Inspector Jack Tilcag nga nagrequest na sila sa SOCO 11 og autopsy apan wala pa’y tino nga adlaw ug petsa kun kanus-a himoon ang eksaminasyon sa patay’ng lawas.
Una nang gitakaho nga nawala ang parte sa lawas gikan sa pusod hangtud sa tuhod sa babaeng gi-chop-chop ang lawas nga naa na karon sa Angel Funeral Homes dihang nakita sa Cabantian sa miaging mga adlaw.
Gikumpirmar pa ni Tilcag nga adunay miadto sa ilang buhatan gahapon nga nawad-an og pag-umangkon nga nurse apan pagtan-aw sa patay’ng lawas dili mao ang iyang gipangita.
Ug tungod ani, pabilin Ms.X ang biktima mao padayon nanawagan ang opisyal sa mga kabanay kansang mga miembro nga wala pa maka-uli nga makigkoordinar ngadto sa kapulisan.
Dugang ni Tilcag nga hangtud karon wala pa gihapon sila’y nakalap nga impormasyon nga puwede mohatag kanila og lead sa posibling motibo ug naghimo sa mangilngig nga krimen.
RadyoMaN Joel Viray
