Pakalitan ug inspeksiyon sa hepe sa Cebu City Police Office ang onse ka mga police stations sa syudad , aron pagsusi kung nagtarong ba ug wa magbinolakbol sa ilang trabaho ang mga pulis.
Si CCPO director , Sr. Supt . Joel Doria nibutyag nga pagsanong kini sa mando sa ilang hepe , Director-General Ronald Bato Dela Rosa nga magtarong ang mga pulis sa ilang pagserbisyo ngadto sa publiko .
Nipasidaan si Doria nga kung duna sila`y masakpan nga nag-inom, nagsugal, ug mangatug nga pulis ila dayon kining ipaubos sa imbistigasyon .
Giawhag ni Doria ang mga pulis nga bawsan usab nila ug maayong serbisyo ngadto sa publiko ang bag-o lang gipatuman nga usbaw sa suhulan alang kanila karong tuiga .
Facebook Comments
