Bag-o na ang Police Prov’l Director sa Surigao del Norte Police Provinciall Office (PPO) human pormal nga milingkod si PSSupt. Ronel Jaurigue, sa gihimung turn over ceremony kagahapon.
Si PSSupt. Jaurigue ang kanhi Chief Regional Investigation and Detection Management sa wala pa gitudlo nga Prov’l Director sa Surigao del Norte diin iyang gihulipan si PSSupt. Anthony Maghari kinsa nadestino na karon sa Regional Personnel Holding and Accounting Unit sa Police Regional Office 13.
Kasamtangan gikuptan usab karon ni PSupt. Nilo Texon, ang RIDM s PRO 13.
Sa iyang mensahe, gipasalamat ni PSSupt. Maghari ang tanang sakop sa PNP Surigao del Norte sa pagmintar sa kahusay ug kalinaw sa probinsya. Gipasalamatan usab sa opisyal ang tanang local chief executives sa lalawigan nga kanunay misuporta sa kalihukan ug programa sa kapulisan.
Samtang nisaad si PSSupt. Jaurigue nga magpadayun ang seryosong kampanya sa kapulisan diha sa kahusay ug kalinaw, pagbatok sa illegal nga droga ug uban pa’ng mga krimen sa probinsya.
Nangulo sa turn over of command si PCSupt. Carlos Lozano, deputy regional director for Administration sa PRO 13.
