Sugdan na karong adlawa sa Police Regional Office -7 ang istriktong pagpatuman sa kampanya batok sa mga istambay sa dan panahon sa kagabhion .
Si PRO-7 Regional Director , Debold Sinas mopatawag sa iyang mga city ug provincial commanders aron hisgutan ang pagpatuman sa “Oplan Istambay.”
Subay usab kini sa mando ni PNP Chief Director General Oscar Albayalde sa pag anhi sa Sugbu niadtong Biyernes nga angayan nang ipatuman ang kampanya sa labing dali nga panahon .
Matud ni Sinas himoon nga basehanan sa pagpanakop ug istambay ang mga lokal nga ordinansa sa usa ka lungsod ug syudad batok niadtong magsuroy-suroy sa gawas panahon sa lawom nang kagabhion .
Gawas sa mga istambay , apil sa dakpon kadtong mag-inom-inom daplin sa dalan ug maghukas o way sapot sa ibabaw nga bahin .
