Gisusi sa Police Regional Office -7 kung aduna bay taga Sugbu sa giingong gatusan ka mga bag-ong recruit sa New People`s Army nga nigraduwar sa gihimo nga training sa Samar aron himoong sakop sa sparrow unit sa NPA.
Ang PRO-7 nakig-alayon sa tanang intelligence unit sa gobyerno sama sa Armadong Kusug sa Nasud ug kapolisan sa Region 8 alang sa pag-ila kinsa ang maong personalidad .
Ang kapolisan nipalapad sa ilang monitoring tungod sa giingong planong destabilisasyon sa walhong grupo batok sa gobyerno nga gitawag ug “Red October.”
Si PRO-7 Director , Chief Supt. Debold Sinas wa pa hinoon niisa sa alert status sa rehiyon gikan sa normal ngadto na sa full alert tungod kay naghuwat pa kini ug mando gikan sa Kampo Crame.
Facebook Comments
