Panay, Capiz – Arestado ang 32 anyos nga lalaki sa ginkasa nga drug buy bust operation sang gintingub nga pwersa sang Provincial Drug Enforcement Unit (PDEU) “Cluster-Bravo”, Station Drug Enforcement Team (SDET) Panay, SDET Maayon kag SDET Panitan) sa Barangay Tico, Panay, Capiz.
Nakahunong na karsel sang Panay Municipal Police Station ang suspek nga ginkilala sa kay Mike Balasa y Opanto, 32 anyos, residente sang Sitio Malic, Brgy. Ilawod, Panay, Capiz. Narekober sang mga kapulisan sa kamot sang suspek ang apat ka sachet sang suspected shabu, 500 pesos nga marked money, kwarta nga nagabalor 400 pesos, isa ka unit sang cellphone kag isa ka motorsiklo. Natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nasambit nga suspek.
