Gitukod na sa Police Regional Office -7 ang Special Investigation Task Group (SITG) aron mototok sa imbistigasyon sa pag-ambush ug pagpatay sa usa ka Koryano niadtong Biyernes sa gabii sa dalan A.S. Fortuna sa Barangay Banilad sa dakbayan sa Mandaue .
Pipila ka mga opisyal sa konsulado sa South Korea dinhi sa Sugbu niadto sa buhatan ni PRO-7 Director , Chief Supt . Robert Quenery aron magfollow-up sa imbistigasyon sa pagpatay sa negosyante nga South Korean nga si Shang Ho Lee .
Si Lee , 40 anyos nanag-iya ug restaurant sa dakbayan sa Lapulapu .
Ang Task Group Lee gilangkuban sa mga sakop sa kapolisan sa Mandaue ,Lapulapu ug lalawigan sa Sugbu .
Gimanduan sila ni Quenery nga magtinabangay sa imbistigasyon sa kamatayon ni Lee .
Gisubay sa kapolisan ang anggulo nga “personal” ang motibo sa pagpatay ni Lee ug wa usab nila isalikway ang posibilidad nga anaa ra usab sa ilang komunidad ang nagpaluyo sa pag-ambush niini .
