Malaybalay City – Gi-anunsiyo sa City ENRO ning dakbayan sa Malaybalay nga alayon sa selebrasyon sa 20th Charter Day ug sa umaabot nga Kaamulan Festival, aduna’y temporaryo nga pagsira sa Fortich Street sa matag gabii gikan alas syete hangtud alas dose sa tungang gabii gisugdan kini kaniadtong Pebrero 22 hangtud Marso 9, 2018 aron sa paghatag ug panahon sa street dancing practice.
Nasayran nga naandan nga NIGHT SHIFT COLLECTION sa mao nga dapit nga naapektohan temporaryo nga giusab diin magsugod kini sa alas tres sa hapon hangtod alas syete sa gabii .
Hinoon gipaklaro sa buhatan nga epektibo lamang kini hangtod mahuman ang maong kalihukan.
Alayon niini giawhag ang tanang business establishments, opisina ug mga panimalay nga nahisakop sa night shift collection nga ipagawas ug sayo ang basurahan basi sa temporaryo na skedyul.
Gipasabot usab nila nga nga wala’y kausaban ug pagpadayon ang atong pagpatuman sa atong ordinansa kabahin sa basura lakip na ang multa sa nakasupak sa maong balaod.
