Sa interview sa RMN Malaybalay ngadto kang Police Major Jisselle Longakit, ang spokesperson sa PNP Bukidnon, gibutyag niini nga gikan Enero hangtod Setyembre ning tuiga mukabat na sa 346 ang natalang aksidente sa kadalanan.
Pinakataas niini natala sa bulan sa Setyembre nga adunay 62, gisundan sa Enero nga adunay 46 samtang sa Hunyo ug Marso adunay tig-36 ka vehicular accident.
Sa maong ihap, matud ni Longakit nga adunay 105 ang namatay tungod sa disgrasya sa dalan, pinakadaghan natala niadtong Enero 17, gisundan niadtong Marso nga adunay 16 ug sa Setymbre adunay 15 ka casualty.
Dugang sa PNP nga kasagaran sa mga nahitabong disgrasya gilambigitan kini sa mga motorsiklo.
Aduna matud pay human error ug mechanical error nga hinungdan sa disgrasya.
