Full alert status karon ang kapolisan sa Central Visayas , subay sa gipaabot nga pagduaw ni Presidente Rodrigo Duterte sa Sugbu ugmang adlawa , ug aron usab pangandaman ang pag-obserbar sa kalag-kalag.
Matud ni PRO-7 Director , Chief Supt. Debold Sinas , wa pa sila makadawat sa saktong detalye sa mga lakaw sa Presidente sa Sugbu , apan giandam na nila ang igong gidaghanon sa kapolisan nga mohatag ug seguridad sa mga lugar nga adtoan niini .
Gipaabot nga mouban usab sa Presidente ang pipila ka tag-as nga opisyal sa PNP .
Giandam na sa PRO-7 ang Civil Disturbance Management Unit sa PNP aron momintinar sa kahusay ug kalinaw kung ugaling adunay mga militanteng grupo nga mohimo ug protesta batok sa presidente.
Facebook Comments
