Roxas City, Capiz- Nangin madinalag-on ang ginkasa nga “One Time, Big Time” operation sa pagpamuno sang Capiz PPO Provincial Intelligence Section halin sang Nobyembre 20 tubtob 26, 2018.
Suno sa hepe sang Provincial Intelligence Section nga si PSUPT Balano, sa sulod sang pito ka adlaw nga simultaneous police operations tatlo ka mga persona ang nadakpan sa drug buy bust operation, 14 ka mga persona nga may yara sang warrant of arrest ang nadakpan, isa ka search warrant ang madinalag-on nga naserbe.
Samtang duha man ang nadakpan bangud sa illegal gambling, duha ang nadakpan bangud sa illegal fishing kag isa ang accomplishment may kaangut sa Revised Forestry Code of the Philippines.
Maluwas diri 42 man ka mga loose firearms ang narekober ukon boluntaryo nga ginsurrender sa mga kapulisan.
Isa man ang arestado bangud sa pagbayolar sa Comprehensive Firearms and Ammunition Regulation Act.
Base sa ranking sa accomplishment, nagpanguna ang Roxas City Police Station, ginsundan sang Tapaz Police Station, Cuartero Police Station kag Dumalag Police Station.
file photo © Capiz PPO PCR
