Gibulabog sa pagbusikad ang Quezon Municipal Police Station kon Quezon PNP alas 7:45 kagabie.
Sa interview sa RMN Malaybalay ngadto kang Police Major Mitchel Clemencio, ang hepe sa Quezon PNP gibutyag niini nga kalit lang nibuto ang granada sa atop nga bahin sa kusina sa ilang istasyon nga nahimutang sa Barangay Libertad, lungsod sa Quezon ning probinsya sa Bukidnon nga daplin ra usab sa national highway.
Tungod sa maong nga pagbusikad maayong pagka-guba sa atop sa kusina sa mao nga istasyon sa pulis ug sa usa ka kotse nga gipanag-iyahan ni PLt. Melchor Saraus nga nakaparking duol sa dapit nahitabuan.
Hinoon walay nasamdan o namatay sa mao nga insidente.
Giklaro usab sa hepe nga granada ang nibuto ug dili bomba.
Matud ni Clemencio nga kusog ang mao nga klase sa granda nga gilabay tungod sa damyos nga gimugna niini.
Sa karon gihimo na ang hugot nga imbestigasyon ug hot pursuit operation ang PNP Quezon alang sa posibleng pag-ila o pagsikop sa maong mga suspetsado.
Dili pa usab matumbok ni Major Clemencio kung kinsa ug unsang grupo nga naghimo sa mao nga pagpangharas.
