PNP-SAF arestao na asunto de tiroteo na Divisoria

ZAMBOANGA CITY–Uno del dos maga suspechao quien ya tira con man cuñao na Divisoria del otro noche donde ya resulta na muerte del uno, ya puede ya cuji el maga pulis anoche. El suspechao um miembro PNP-SAF, PO1 Andrew Weesit, designao na 52nd Company y residente de Lumbangan. Na limitao informacion ya puede obtene el RMN-Zamboanga el nombre del suspechao ya man lutao amediante el continuacion del imbestigacion ta conduci el maga pulis del Divisoria Police Station. Con el pulis suspechao ya detene na estacion mientras esperanzao con ele man iquest na fiscalia seguiendo con el recommendacion na maga caso de murder y frustrated murder. Acordando, con man cuñao Reynold Lam y Reagan Bantanton ya sopla de tiro usando 9mm pistola del otro noche na Santiago Road, Divisoria mientras encamino sila pabolbida estaba na perya na Lumbangan. El dos maga suspechao alegaomente ya saca pa diila ganancia na perya. — Dan Toribio