Bukidnon – Gipahayag sa San Fernando Municipal Police Station nga wala nisurrender si Butchoy Salusad sa kapulisan.
Ang pahayag sa PNP human sa nanggawas nga taho sa social media nga nibalik na sa sabakan sa balaud si Butchoy.
Sa interview sa RMN Malaybalay ngadto kang Police Chief Inspector Mitchel Clemencio, hepe sa San Fernando-PNP, gibutyag niini nga walay nahitabong pag-surrender ni Butchoy Salusad sa ilang buhatan.
Gitawagan usab daw niya ang mga hepe sa Capalong MPS ug Talaingod MPS nga sakop sa rehiyon 11 ug pinakaduol nga lungsod sa San Fernando Bukidnon apan gika-ingong wala usab daw’y nisurender sa ilang buhatan.
Matud ni PCI Clemencio nga mahimo lang lehitimo ang pagsurender kung didto sa kapulisan o dili ba kaha sa elected officials ug gikan sa opisyales iturn-over ngadto sa PNP o kaha sa AFP.
Gikonsidera usab niining hanging ang mao nga kasayuran mahitungod sa gika-ingong pagsurender ni Butchoy Salusad.
