Davao City- Giwagtang sa kapulisan ang anggulo nga political o election-related ang pagpusil-patay kang Barangay Datu Salumay, Marilog District Kapitan Amado Mansamo Mansabid.
Sa interbyu sa RMN Davao kang Davao City Police Office (DCPO) City Director Police Col. Kirby John Kraft, sumala sa asawa sa kapitan nga si Nilda Mansabid, nga konektado sa bangi sa yuta ang pagpatay sa biktima.
“Wala namang eleksyon ng mga kapitan ngayon, iyong number 1 naman niya na kalaban na kapitan namatay na iyon, iyong number one na konsehal, kamag-anak niya, pamangkin niya, very close siya doon. So walang election-related or political motivation dito,” matud ni Kraft.
Matud ni Kraft gitukod nila ang Special Task Investigation Task Group (SITG) uban ang laing pang units sa PNP aron mas mapalawman pa ang imbestigasyon sa pagpusil-patay sa barangay chairman.
Gipusil-patay ang biktima niadtong Sabado Oktobre 2, 2021 sa gabie sulod sa iyahang tindahan sa wala pa mailang suspek.
Pito ka mga fired cartridge sa .45 kalibreng baril ug 4 ka slugs ang narekober sa SOCO sa crime scene ug kasamtangang gisumite alang sa ballistic examination.
Ang biktima gawas nga kapitan kini sa maong Barangay, chairman usab kini sa Council of Elders sa Tribong Matigsalog nga gahawid og mga kaso sa land disputes.
RadyoMaN Aimee Guinita
