Manila, Philippines – Epektibo ngayong araw papalitan ang tagapagsalita ng Philippine National Police (PNP) na si Police Chief Superintendent Benigno Durana Jr.
Ito ay dahil itatalaga si General Durana bilang acting Director ng Directorate for Police Community Relations o DPCR.
Ipapalit naman kay General Durana si Senior Superintendent Bernard Banac dating provincial director ng Sorsosgon Police Provincial Office na kasalukuyang assistant chief of the PNP Supervisory Office for Security and Investigation Agencies o PNP SOSIA.
Sa bagong posisyon naman ni General Durana, magiging parte na ito ng PNP Directorial Staff at otomatikong mapo-promote bilang Police Director.
Ang reshuffle na ito ay utos mismo ni PNP Chief Police Director General Oscar Albayalde.
