Andam ug tagana ang nasudnong kapulisan nga magmentenar sa kahusay ug kalinaw atol sa ‘National Day of Protest’ ugmang adlawa atol sa 45th martial law declaration commemoration.
Sa media interview, giklaro ni Philippine National Police (PNP) spokesperson Chief Supt. Dionardo Carlos nga under orders ang atong kapulisan nga tahuron ang katungod sa katawhan nga mag-protesta ug ang pagtagana sa seguridad alang sa tanan.
Apan nanawagan ang tigpamaba nga sundon lamang sa mga picketers ug mga rallysts ang reglamento sa balaud, dili sila mo-komitir ug krimen, bandalismo, dili magdala-dala ug armas sa rally sites, dili babagan ang kadalanan, no infiltration sa mga experts sa panabotahe ug uban pang limitasyon sa atong mga katungod.
“We will be on standby, will be ready,” pasalig sa PNP spokesperson.
RadyoMan June Duterte
