Davao City – Gipasalig karon ni PNP Director-General Ronald Dela Rosa nga iya gayod aprobahan ang gilaraw nga expanded Davao City Police Office (DCPO).
Gisaad ni Bato nga kung adunay ma-recruit nga dugang pulis, aksyunan niya kini sama sa gipangayong dugang ihap nga mga kapulisan nga gikinahanglan sa dakbayan.
“Sigurado ko nga i-approve ko to kung muabot sa akong lamesa, akong i-follow up sa NAPOLCOM nga ma-approve gyod na,” sumala ni Dela Rosa.
Gipasabot niini nga dili sayon ang pagpahalapad sa pwersa sa kapulisan sanglit mas taas ang standard sa PNP samot pa nga doblado na ang ilang sweldo.
Dugang ni Dela Rosa, abli siya sa suhestiyon nga rebisahon ang mga rekwisitos ngadto sa mga buot mosulod sa PNP partikular na diha sa height requirement.
RadyoMaN Aimee Guinita
